Shehar ki iss daud mein daud ke karna kya hai

Shehar ki iss daud mein daud ke karna kya hai?
Jab yahi jeena hai dosto to phir marna kya hai?
Pehli baarish mein train late hone ki fikr hai
Bhool gaye bheegte hue tehalna kya hai?
Serials ke kirdaron ka saara haal hai malum
Par maa ka haal poochhne ki fursat kise hai?
Ab ret pe nange paon tehalte kyon nahi?
108 hain chanel phir dil behalte kyon nahi?
Internet ki duniya ke to touch mein hain,
Lekin pados me kaun rahta hai jaante tak nahi.
Mobile, Landline sab ki bharmaar hai,
Lekin jigri dost tak pahunche aise taar kahan hain?
Kab dubte hue suraj ko dekha tha yaad hai?
Kab jaana tha shaam ka woh ban..na kya hai?
To Dosto Shaher ki iss daud mein daud ke karna kya hai
Jab yahi jeena hai to phir Marna kya hai?

-By RJ Janhavi (Mrs. Munnabhai)

One thought on “Shehar ki iss daud mein daud ke karna kya hai”

Leave a Reply

Your email address will not be published.