Tum dekhna sab mere yaaron …… patli gali se nikal jaunga main

Tum dekhna sab mere yaaron …… patli gali se nikal jaunga main

Iss desh jisko bharat kehte hain
is desh ke aur na gunn gaunga main
tum dekhna sab mere yaaron
patli gali se nikal jaunga main

iss desh main OBC’s ka hoga raaj
na honge ab koi yahan per kaaj
desh ki ab iss laash per phool bhi nahi chadaunga main
tum dekhna sab mere yaaron
patli gali se nikal jaunga main

World ki largest Democracy
lage mujhe hai autocracy
students ki ye buri halat aur nahi seh paunga main
tum dekhna sab mere yaaron
patli gali se nikal jaunga main

Buddhe jo hain khud andhe,kya rasta dikhlenge
apne aap chal nahi sakte @%#& khaak desh ko chalaenge
samajh aa gai baat mujhe ab auron ko samjaunga main
tum dekhna sab mere yaaron
patli gali se nikal jaunga main

Iss desh mahan ke baare main, bahut tha maine suna
Ab bolo film per bhi ban laga dia aamir starer–> “fanaa”
gher main pirated CD laake saare muhalle ko dikhaunga main
tum dekhna sab mere yaaron
patli gali se nikal jaunga main

Yahan rehker tum hi bolo ab main kya kar paunga
apna future dikhta nahi,bachon ka kya khaak banaunga
Kaneda,Amrika ya UK ki flight pe jaldi se chadd jaunga main
tum dekhna sab mere yaaron
patli gali se nikal jaunga main

Kyun rehne yahan,dukh sahen yahan
kyun marr marr abb ab jiyen yahan
naa yahan koi sunn ne wala ye sabko ab sunaunga main
tum dekhna sab mere yaaron
patli gali se nikal jaunga main

Kyun na ab ikk kaam karen,iss sarkar ka kaam tamaam karen
Jawano ki bana ke party iss desh ka kuch udhaarr karen
ye promise hai mera yaaron vote tumhe dene aaunga main
perr jaldi karna mere mittron..nahi to…..
Patli gali se katt jaunga main

Leave a Reply

Your email address will not be published. Required fields are marked *